DAY 10  Oct 4^th

    晨早check out，GH的哥哥仔为左收我几晚房费苦闷好耐，计黎计去，一个话我住左3晚。一个话我住左4晚，伊个国家D人好似计数唔系甘好~~~先住果几日，都计左10几分钟。翻过phousi山，到左旅行社门口，似乎黎得太早，唔见约好的tuktuk drive，反招惹左其他，有个问我系唔系去vientaine，由于发音问题，我到最后都无听明距讲咩，估计距都觉得系对牛弹琴。有个婆婆挑住担野去卖，竹筒饭，3个5000kip，反正我未食早餐，先享受下。个tuktuk driver黎坐，竟然净系车我一个人去码头，如果系甘50,000kip都几抵使，可以包车，如果我自己肯定讲唔到伊个价，可见伊个国家的好多野都是明赚游客钱。

    到左码头，见到三个咩住细包，带住长炮的人，心林应该唔系同我同路挂，后来先知距地系去pak ou的，而我真正的同伴是一个韩国女人，一个丹麦靓仔，最终上船的仲多左一个本地人，一行四人好似拍迷你版lost。

     理应是八点半开船的，但系貌似人数唔够（一只船坐8个人），要再等等，哎，睇黎travel agent的人都是信唔过，我寻日买票的时候明明讲已经有5个人买左。反正入乡随俗，一直告戒自己take it easy，系伊D国度，咩野都唔系道理，因为人地有人地生活的一套。但估唔到欧洲人都出乎意料甘平静，有心情系度写日记。十点钟可以上船啦，伊个时候太阳都出黎，果个晒~~~ 中午一点到pakbeng，lunch time，确实只是一个overnight的地方，无咩好睇，食物贵，4,000kip的橙汁卖8,000kip，我仲幻想是鲜榨，丹麦靓仔仲苦笑是25%orange juice。我同丹麦哥哥将D食物都清盘，韩国姐姐剩低一大碟，丹麦哥哥貌似好不满，可能接受的教育唔一样。丹麦哥哥似乎都几中意东方文化，竟然主动用筷子，可惜有一只up side down，真是想敲自己个脑，伊个时候应该抓紧机会啊嘛~~~ 后悔啊，两点再上路，今次只船坐满晒人，可怜长腿丹麦哥哥要委屈下。距先落船，跟住打算拖我落去，仲好gentlemen甘问：“Can I hold your hand?”等我反应过黎心入面都欣喜若狂，点知个船夫推开左丹麦哥哥，自己拖我落去，啊~~~ 好想砍死距啊，坏我好事~~~ 5点半到会晒，每人10,000kip入镇，原本打算同韩国姐姐一齐过境，点知道人地唔系好so你甘，算，自己走，系泰国入境处落班之前过境，个长官仲好打趣甘讲:I wait for you。虽然距着得同电视上面果D暴力泰国警方一模一样，令我有少许戒心，但是实际上同一般泰国人民一样热情友好。

Day 9  Oct 3^rd

   晓葳一早就走上回国之路，虽说不过天下无不散之筵席，还是有点伤感。

   今天我打算先确定坐船去会晒(huioexay)的事情，然后再碰碰运气能不能碰上去tat se waterfall的人，自己包车确实是划不过来。穿过博物馆后面的早市，市场上物品还丰富，连菜心都有，难道这些都是进口的？难以想象~~~ 游人也似乎不少，间中会听见有人说中文，看上去都是身光颈靓的富婆，貌似是台湾过来的。这么早大概是出来找好吃的，确实街市上能买到不少又平又好味的DD，重点是有地方特色，因为D local都是甘买。行到湄公河边，巡来巡去，先发掘到个码头，其实就是一间矮矮的房子，入面的一个男人走出黎问有咩帮到我，我将大概情况同距讲左，跟住距将一本还做得颇靓的薄出黎慢慢同我sell，反正我额外知道左slow boat上面分soft seat同hard seat，而且价格一样，是一样的贵，讲价讲到最低都要260,000kip（大概200rmb），伊个价同我了解到的差好远（120元），个人又用同样的excuse啦，燃油上涨，而且又话我马上付款的可以安排soft seat比我，晕，又话听日一定开船，但其他日期就唔清楚，有相当数量的客人先开船都可以理解。不过由于距比我的感觉有D邪恶，所以我决定去travel agent果度问下先。点知系travel agent，竟然可以340,000kip就买到张fast boat的票，幻想一下听日就可以翻到泰国，实在是兴奋，讲真，此时此刻我真系唔系好想留系老挝，头脑发热之下就买左张fast boat。

    去tat se都貌似无望，自己一个人去旅行就有甘的弊端，路上唔一定可以team up，一旦要包车就好麻烦，唔知点样稳人，当是命中注定。租左部单车周围逛，感觉相当自虐，太晒，真后悔，应该随便稳间café坐低睇书。去左机场果边，真是细，除左一条长长的跑道可以知道是机场，其他都~~~过左机场貌似进入左一个村寨，伊度D人个样同系downtown见到的唔一样，皮肤黝黑，生得唔高，可能是土著挂。一路坑坑洼洼，后来有个土著踩住单车翻屋企，大家眼望望，估计好少有外人入黎，我笑左下，距竟然同我打招呼，但是唔系讲sabaidy，我更加确定距是土著啦，决定跟踪距看个究竟，不过跟甩左。

    翻到LPB downtown，去左传说中的herbal sauna，原来好多local去，哈哈，几relaxing，但系蒸到我几乎停止呼吸。

DAY8  Oct 2^nd

      LPB真的是一个好平静的地方，6点多阳光就晒到phu si mountain的佛像上，而我地间房的窗口望出去刚好睇到佛像个背。甘早起身系为左陪晓葳去看布施，她说在香通寺，我地的GH系namkan river果边，所有要绕过phu si mountain先去到。一路上的景色实在太好，主干道两边都是一些仿古建筑，也有寺庙，伊度确实比万象要好好多，以致我地挂住系路边影街景，误左睇布施的时间。系路边食左碗6,000kip的rice noodle，已经算平，虽然分量好少，但是做得唔马虎，D配菜都执齐比你，晓葳超中意加鱼露同青柠汁，她说回到杭州也要这样食，那不会很奇怪吗？

     香通寺（wat xieng tong），门票20,000kip，贵啊，有个堂专门收藏文物，D文物无咩点封存，而且随便影相。寺庙的外墙有好多用碎彩色玻璃做的贴画，好靓，估计都几值钱。好多小朋友都会出家做和尚，我地系一个寺院就见到一班细路系度重新粉刷距地个牌匾，我地大家眼望望，D细路同我地讲完中文又讲日文，我同晓葳都无咩大反应，跟住又系一阵对望。大街上面有间学校，学校门口有零食卖，有个细路翻围墙出黎买雪糕，哈哈~~~

     大街上面好多tuk tuk driver同mini van driver拉客去cave或者waterfall。有个傻人走上黎同我地讲距已经有4个客人要去kuangsi waterfall，问我地有无兴趣，30,000kip来回车费，平过我地系GH问的50,000kip一个人，不过晓葳坚决要讲低D，最后25,000kip一个人成交，仲有pick up。既然已定，就翻旅馆做准备，先解决午餐，系食街的一个大妈的面档食面，传闻khao soy系必须尝试，但无太大感觉。12点几，个mini van司机黎pick up，同车有几个鬼，都准备好晒泳装去游水。去kuangsi的路都唔错，20,000kip门票，越行上去越靓，好多外国人都系较低果几个池游水，行到去大瀑布，传闻仲可以继续行去到瀑布顶睇瀑布源头，我地两个着住对人字拖就甘铲上去，行系我地前面的仲有一男一女，再前少少系个switzerland黎的blond boy。最后一男一女下撤，我同晓葳都几骨灰，继续上，个金发少年话可以帮我地咩个bag，其实都唔系好重姐，不过人地真是cute得黎又gentlemen，叫我同晓葳行先，距押尾。上到顶竟然唔识路，又多泥，一脚踩落去都扯唔翻只脚上黎，我干脆除拖鞋，明显有行D。兜兜转转先稳到条路，跟住开始趟过瀑布源头，又对面的路落去，源头的景色真是一流，好似入左阿马逊甘，好过瘾。落山路有一段竟然修左一段栈道系瀑布上面，太高手。个金发少年落山果时开能太兴奋，准备去游水，唔知点样连对凉鞋都飞左出黎，我同晓葳当场暴笑。Kuangsi比我的印象真是相当好。

    晚上翻到市区，晓葳临时决定明天早上搭车回昆明，舍不得之余要好好饯行，去snack street开大餐，烤鱼、烤猪肉、beer lao、椰果糯米糍，life is so good with friends around。

DAY 7  烂路、烂车、烂司机

Oct 1st

    今日离开万象，去LPB，早上6点10个字出GH门口，已经有tuktuk司机拉客。我问距去north bus station要几钱，距话no problem，大佬，我系问几钱啊~~~ 距show一张彩印到好靓的价目表比我，上面写住几人~几人，每人收几钱，反正1~2人，每人收40,000kip，条数都计得几科学，但是2.5公里，够胆开价40,000kip（相当于32蚊人民币），坐飞机都唔使伊个单价啦~~~ 真系做一窝可以3日都唔开工啦。跟住我同距讲，我要行去，个tuktuk司机相当轻蔑，话：“yeah, you can walk”。跟住我头都唔回甘径直走向north bus station。又一次做电波少女。7点25分左右到north bus station，神差鬼遣甘买左vip bus车票，只系135,000kip同120,000kip的区别，而且包中餐，甘就少计较啦~~ 但系万象到LPB大概先400公里姐，可以开12个钟，我都唔知道系路太差、车太差定系司机太差。路差？都差唔过入藏线路啦；车差？睇个样唔多觉，都是新大巴；司机技术差，当然无得同中国西部D司机比。反正去到LPB已经系晚上7点。同车识左个中国女仔，晓葳，多谢距再LPB陪我玩了一天。真系缘分，这趟出来没怎见过志同道合的人~~

north bus station

路上经过的小村庄

Day 6 Sep.30^th

    今日万象落雨，一早起身打算睇湄公河的日出，咚咚甘小跑上天台，系天台吹左成个钟风，除左偷窥左隔离酒店天台泳池的晨泳伯伯同睇住天色由青变蓝再变灰，都唔见太阳的踪影，点知再晏少少就落雨。雨停之后，10,000kip租左部单车出去逛，先去north bus station，一路上多尘多烟，虽说系离backpacker区先2.5公里，但系明显已经系郊区，可见伊个首都有几细。North bus station无明显的标志，都无明显的建筑，就系大路边入少少有一个大棚，里面停住好多五颜六色的大巴。入去只见到A/C bus同VIP bus的ticket box，唔见传说中的local bus ticket box，估计是专登隔开。去LPB的票唔使预订，即买即上车。翻市区的路上乱打乱撞入左去一个好多中国野卖的地方，难道就是传闻中的旧中国城？感觉好似贫民窟，系果D黯淡的巷仔入面，一碗鸡丝面都有10,000kip，可见老挝伊个地方D野真系贵，好多人系度卖五金、小家电，都有药材铺同中国旅馆。翻到入市中心，又转左入去D巷仔，伊度同岩先的“旧中国城”完全唔同，巷仔干净整齐，两边系小别墅甘的住宅，而且每间都有个大花园。入左去一间坐落伊D住宅群中的寺庙，系主庙的周围有好多小塔，原来伊D就是当地人的墓碑。已经系中午时分，想去寻日见到果间北京烤鸭面店开餐，一个烤鸭面先8,000kip，想不到系泰国仲有资本食饭，黎到老挝只够资本食面。但是稳黎稳去都晤见间北京烤鸭面店。经过一间小食店，有食物图片，一个饭先13,000kip，感激到五体投地，伊间店竟然仲卖广东云吞，幻想个老板会讲一口流利的广东话~~~食完满足的一餐，雨又落大，冒住雨去wat ho prakea，好彩伊附近，路两边有参天的法国梧桐，基本上就遮住晒D雨，传闻系泰国大皇宫果个佛之前系老挝的，后来唔知点先去左泰国，而wat ho prakea就系伊个佛系老挝的屋企，成个庙都好旧，好沧桑，但系感觉绝对好过大皇宫啦。翻到GH，有个韩国大叔搬左入黎，我自问一直系路上都无点样见过坏人，有人话“唔系你未见过，系你太好，所以将所有人都当好人”。但系对伊个韩国大叔真系不敢恭维，明显就是坏人一个。

系老挝见到的当铺

住系伊间入面的人应该好米

参天的法国梧桐

wat ho prakea