Day 4 廊开在微笑

Sep.28th 2008

    唔知道系唔系长时间系火车太单调，出左廊开车站，睇到周围都种满鲜花，将个火车站点缀到好似theme park甘，阳光灿烂,好似廊开的一切都系度微笑,而我都会心甘微笑,因为伊度真系超乎我想象的可爱。车站外面一排tuk tuk系度等客，或者一日入面就只有唯一的一班客人。开始系乱七八糟各个司机各自拉客，唔知道后来点解会有个大佬出黎做调度，好快疏导晒D客人，大家都有生意做。有个韩国的女仔,将个大行李箱放入TUKTUK,自己同时一脚差上去,成部TUK TUK向后翻转,真是超级经典。同我同车的人都系去关口，只有我要入市区，个tuk tuk伯伯载埋我，我估最终都会系被卖猪仔，不出我所料，就快到关口的时候，个伯伯将我过车，新司机系婆婆，部车仲好新，见距好似好享受tuk tuk司机伊份工作，一路开一路笑（想象下似以前百佳广告代言人黄老太四万甘口，show金牙）~~~ 似乎距同距部车都系度炫耀紧D咩野~~~ 系Indo China集市落车，稳GH，河边会有一D，但应该都会比较贵，我问过一间叫riverside guest house的，单间400B，用句网上学的泰文讲价，点知比人不屑，唔知道系句泰文有问题，定系人地不屑讲价。其实系垂直河边的巷仔会有更多GH，而且环境都很好。当地人的屋企好有生活气息，每间都种满花花草草，花都开得好灿烂，可能气候太好了。系咩住大backpack周围稳GH，如果系以前会好着急，但宜家反而觉得好惬意，惬意中发现一间传统的木屋，旁边仲有一排小木舍，屋前面是庭院，D花草树木笑住甘向我招手，我梦想中的小屋，顶住小贵，都住入去。中午拎住袋衫出去稳洗衣店，但系貌似洗衣店果D都无咩英文标示，放弃，自己洗。去间比较有人气的大排档食饭，无英文，但有图片，指住张图要左个套餐，以为随便落order都得，就同卖汽水的妹妹仔讲，距无理我，后来卖饭果边个妹妹注意到，问我要咩，我又指下张牌，跟住卖汽水的妹妹问我要唔要百事，我见个套餐都有汽水，就无要，点知到最后都是无汽水比我，原来人地是合营，一个卖饭，一个卖汽水，真是有钱大家稳。个饭好得意，是白饭再加一大碗猪肉丸汤，貌似叫khao mu~~，我中意。下午外面太晒，系GH睇书，有雪糕车经过，而且仲播住D好过瘾的音乐。夜晚的廊开好宁静，当地人都无咩特别的夜生活，市集6点左右就收市了，大家都到河边，慢跑的、散步的、放风筝的、遛狗的~~ 生活应该就系甘样！

Smiling Nongkhai

     It is quite a long time on train, kind of boring. When getting out of the Nongkhai railway station, there were flowers everywhere. The flowers,the station and the bright sunshine make up a theme park scene. It seemed everything was smiling,so was I. The tuk tuk had been waiting for guest for a long time. At the very beginning, it was totally a mess, the tuk tuk drivers were competing for costomers, later someone stood up as a leader,